Gjykata zvicerane mban në paraburgim pronarin e një lokali pas zjarrit vdekjeprurës

Një gjykatë zvicerane urdhëroi të hënën që bashkëpronari i një bari në resortin luksoz të skive të Crans-Montana, i cili u përfshi nga flakët ditën e Vitit të Ri, duke vrarë 40 persona, duhet të mbetet në paraburgim. Gjykata tha në një deklaratë se Jacques Moretti do të mbahet në paraburgim për një periudhë të përkohshme prej tre muajsh, por kjo mund të rishikohet nëse merren masa për të luftuar rrezikun e arratisjes, siç është një depozitë sigurie, shkruan Reuters, transmeton Klankosova.tv. Prokurorët e kantonit Valais fillimisht urdhëruan që Moretti të ndalohej të premten pas një seance të gjatë dëgjimore me të dhe gruan e tij, Jessica.