Gjykimi për “Banjskën”, seanca nis me vonesë

Seanca për rastin 'Banjska' ka nisur tashmë me gjysmë ore vonesë në Gjykatën Themelore në Prishtinë. Kështu ka bërë me dije gazetarja e Klan Kosovës, Qëndresa Tërshani, e cila po e përcjellë gjykimin. Në seancat e kaluara, kanë dëshmuar policët e Kosovës, që mbetën të lënduar, në sulmin terrorist, ku u vra kolegu i tyre, Afrim Bunjaku. Kujtojmë se tre të akuzuarit Vlladimir Tolliq, Bllagoje Spasojeviq dhe Dushan Maksimoviq, u deklaruan të pafajshëm për akuzat për terrorizëm, financim të terrorizmit dhe vepra të rënda penale.