Golfieri thyen rekord në Guinnes, qëllon 252 vrima në 12 orë

Një tjetër rekord botëror është vendosur në librin e Guinness. Kësaj here është golfieri zviceran i cili luajti 252 vrima golfi për 12 orë. Jurg Randegger e bëri këtë veprim në këmbë, pasi përdorimi i një karroce golfi ishte i ndaluar nga rregullat e Guinness. Thyerja e këtij rekordi përveç që ka rëndësi në zhvillimin profesional të Randegger, ka edhe një rëndësi tjetër, shkruan United Press International, përcjell Klankosova.tv. "Jurg u përpoq për këtë rekord jo vetëm për dashurinë e tij për vrapim dhe golf, por gjithashtu për të sjellë ndërgjegjësim në Lojërat Olimpike Speciale të Zvicrës që ndihmojnë njerëzit me aftësi të kufizuara  përmes fuqisë së sporti," u bë e ditur në njoftimin e Guinness. Sipas këtyre të fundit, Randegger theu rekordin e mëparshëm me 31 vrima.