Serbët e Graçanicës e bllokuan qendrën e qytetit, të mërkurën. Meqë tubimi para stacionit policor ndodhi pa paralajmërim, edhe forcat e rendit dolën ta lirojnë rrugën për qarkullim, gjë për të cilën protestuesit rezistuan fillimisht.
Tubimi i serbëve lokalë aty u bë hë për hë, pasi iu arrestua banori i atyshëm, Dragisha Milenkoviq. Ky i fundit u kap paraditen e së mërkurës, pasi dyshohet për krime lufte. Milenkoviq dhe ish-kolegët e tij gardianë thuhet se i maltretuan shqiptarët në burgjet e Prishtinës dhe Lipjanit, njofton Klan Kosova.
"Në mënyrë sistematike, dyshohet se kanë ushtruar torturë, dhunë fizike, psikike, keqtrajtime dhe maltretime çnjerëzore dhe të skajshme për jetën ndaj të burgosurve shqiptarë", thuhet në njotfimin e policisë.
Ish-oficerit të burgut i është kontrolluar edhe shtëpia, ku iu gjet një revole "Zastava", 136 fishekë, thikë ushtarake, shufër metalike dhe dokumente tjera.
Graçanicasit e tubuar thirrnin për lirimin e tij, pasi besojnë se është i pafajshëm. Të njëjtit u shpërndanë pas një kohe, për ta bërë të lirshëm lëvizjen e veturave.
https://www.youtube.com/watch?v=T8s8tnU18fw
Rrini të informuar mbi zhvillimet kryesore duke u bërë pjesë e komunitetit tonë në Viber.
BONUS: Merreni aplikacionin tonë në
Android dhe
iOS.
klankosova.tv
●●●
HSHKRIMI NGA
H.S
Editorial nga Klan Kosova — ndjek video lajme dhe zhvillimet e tjera kryesore të vendit.
