Gratë e Srebrenicës ekspozitë me fotografi për masakrën e vitit 1995 (VIDEO)

Bosnja e Hercegovina sot shënon 27 vjetorin e masakrës së Srebrenicës, e cila masakër është më e rënda në Evropë që nga Lufta e Dytë Botërore. E këtë të shtunë, u hap një ekspozitë e përhershme e portreteve fotografike të grave të Srebrenicës. Hapja e tij u bë në qendrën përkujtimore për viktimat e masakrës në Potoçari. Njëra nga të mbijetuarat, Munira Subasiç nga kjo masakër humbi fëmijën dhe bashkëshortin. “Pasi i mbijetova gjenocidit në të cilin u vranë fëmija im më i dashur dhe bashkëshorti im, dhe kur vrasësit e tyre filluan të mohonin, kjo ishte padrejtësi. Refuzimi i tyre për të pranuar atë që bënë dhe për t'u penduar zgjoi vendosmërinë time, vendosmërinë e një nëne boshnjake, për të mos u ndalur, për të mos u lodhur kurrë, për të mos lejuar që askush të më ndalojë të them të vërtetën”, tha Subasiç. Të afërmit e Subasic ishin në mesin e më shumë se 8 mijë  burrave dhe djemve boshnjak, të cilët u vranë në 10 ditë masakër pasi qyteti u pushtua nga forcat serbe. Ushtarët serbë të Bosnjës futën trupat e viktimave në varre masive dhe më pas gërmuan vendet me buldozerë dhe shpërndanë mbetjet midis vendeve të tjera të varrimit për të fshehur provat e krimeve të tyre. Gratë dhe fëmijët boshnjakë u futën në autobusë dhe u dëbuan nga qyteti. Por, sapo lufta mbaroi, gratë boshnjake u zotuan të gjenin eshtrat e të dashurve të tyre, t'i kthenin në qytetin e tyre dhe t'i varrosnin atje E njëra ndër këto gra ishte edhe Sehida Abdurahmanoviç, shkruan Associated Press, transmeton Klankosova.tv. "Njerëzit shpesh na pyesin se kush na ka mbështetur, kush na ka ruajtur kurrizin herët. Por, askush, e bëmë vetë", tha Abdurahmanoviç. Deri më tani, eshtrat e më shumë se 6mijë e 600 njerëzve janë gjetur dhe varrosur, ndërsa eshtrat e 50 viktimave të tjera, të gjetura së fundmi në varreza masive dhe të identifikuara përmes analizës së ADN-së, pritet të varrosen sot. https://www.youtube.com/watch?v=nI7S9PtW9f4&t=4s