Gratë në Britani kanë turp të flasin për menopauzën, e shohin akoma si temë tabu

Një studim i fundit ka zbuluar se shumica e grave në Britani kanë turp të flasin për menopauzën, ku 52 për qind e shohin atë akoma si një temë tabu. Hulumtimi nga "Ëellness OTO" zbuloi se pothuajse dy të tretat nuk dihet rehat të flasin për menopauzën, madje as me të dashurin, apo edhe me ndonjë mik të afërt. Menopauza është e natyrshme, por simptomat mund të jenë të tilla që dobësojnë trupin e një gruaje, ndërkaq njëra ndër simptomat më të zakonshme është temperatura e trupit. Sondazhi shënon fillimin e një fushate për të nxitur gratë  që të përqafojnë simptomat e menopauzës dhe t'i ndihmojnë ato që të flasin hapur rreth saj dhe sfidave që kalohen gjatë kësaj faze. Hulumtimi zbuloi gjithashtu se 46 për qind e njerëzve besojnë se dialogu më i hapur dhe i sinqertë me partnerin dhe fëmijët e tyre do t'i bënte gratë të ndiheshin më mirë. Hulumtimi vazhdoi për të mësuar rreth ndikimit të stilit të jetesës që simptomat e menopauzës kanë tek gratë, ku 29 për qind del se gjatë kësaj faze kanë pasur rënie të vetbesimit, ndërsa 24 për qind qysh më herët fillojnë të shqetësohen se nuk do ta ndiejnë më veten si më parë. Një në tre ndihet i tronditur dhe i turpëruar kur përjeton një skuqje të nxehtë. Tutje, ky studim zbuloi edhe se gratë besojnë se gjumi i rregullt dhe dietat e shëndetshme ndikojnë në zbutjen e simptomave të menopauzës