Greqia planifikon të hapë dyert për turistët këtë verë

Vizitorët do të jenë të mirëpritur ta vizitojnë Greqinë këtë verë, por që rregullat e mbajtjes së distancës sociale do të jenë në fuqi. Kjo si mënyrë për të mbajtur njerëzit të sigurt nga koronavirusi, ka thënë Harry Theocharis, ministër i Turizmit të Greqisë. “Duam që njerëzit të vijnë në Greqi”, ka thënë ai për BBC, transmeton Klan Kosova. “Natyrisht se do të bëjmë parapërgatitje sa i përket kërkesave para udhëtimit, por edhe sa i përket natyrës së udhëtimeve dhe, mënyrës së qëndrimit. Rregulli i distancës sociale do të zbatohet”. Theocharis ka thënë se Greqia ka hapur dyert për turistë për “më tepër se 50 vjet” dhe “ne duam që të vazhdojmë të tregojmë mikpritje dhe për këtë jemi shumë të njohur”. Ai ka shtuar se vizitorët duhet të ndjehen të sigurt në Greqi vend që do të ndërmarr masa strikte paraprake.