Gruaja indiane bëhet nënë për herë të parë në moshën 75 vjeçare

Një grua indiane pretendon se ka lindur fëmijën e parë në moshën 70 vjeçare, duke e bërë atë një nga nënat më të vjetra për herë të parë në botë, shkruan DailyMail, transmeton Klankosova.tv. Jivunben Rabari dhe bashkëshorti i saj Maldhari, 75 vjeç, treguan me krenari djalin e tyre, emrin e të cilit nuk e kanë zbuluar, para gazetarëve pasi ata thanë se u bënë prindër përmes IVF. Rabari ka thënë se nuk ka letërnjoftim për të vërtetuar moshën e saj, por u tha gazetarëve se ishte 70 vjeç, gjë që do ta bënte atë një nga nënat e para më të vjetra në botë. Sidoqoftë, një grua tjetër indiane, Erramatti Mangayamma, besohet të jetë më e vjetra pasi lindi dy vajza binjake në shtator të vitit 2019 në moshën 74 vjeçare. Rabari dhe Maldhari, nga një fshat i vogël i quajtur Mora në Gujurat, Indi, janë martuar për 45 vjet dhe janë përpjekur pa sukses për një fëmijë për dekada të tëra. Ata ishin në gjendje të kishin një fëmijë përmes IVF, e cila mund të jetë efektive pas menopauzës. Mjeku i çiftit Naresh Bhanushali tha se ishte “një nga rastet më të rralla që kam parë ndonjëherë”, transmeton Klankosova.tv.