Gruaja mbijetoi duke pirë verë, pasi mbeti e bllokuar për pesë ditë në shkurret australiane

Një grua 48-vjeçare mbijetoi pesë ditë e bllokuar në shkurret në Australi duke ngrënë ëmbëlsira dhe duke pirë një shishe të vetme verë. Lillian Ip u nis në atë që ishte menduar të ishte një udhëtim i shkurtër të dielën, duke udhëtuar nëpër shkurre të dendura në shtetin Victoria. Por ajo goditi një qorrsokak pasi mori një kthesë të gabuar dhe automjeti i saj u bllokua në baltë. Lillian Ip, e cila nuk pi, kishte vetëm një shishe verë në makinë pasi po planifikonte ta jepte si dhuratë. Pas pesë netësh e bllokuar, ajo u zbulua nga shërbimet e urgjencës, si pjesë e një kërkimi. "Gjëja e parë që më erdhi në mendje, isha ujë dhe një cigare", tha Ip për 9News Australia. "Mendova se do të vdisja atje", tha ajo, duke shtuar se "ishte gati të dorëzohej", përcjell Klankosova.tv Teksa humbi shpresën për t'u gjetur e gjallë, ajo i shkroi një letër familjes së saj duke thënë se i donte shumë. Ip u gjet rreth 60 kilometra larg qytetit më të afërt dhe për shkak të problemeve shëndetësore ajo nuk ishte në gjendje të ecte larg kështu që qëndroi me makinën e saj, tha policia e Victoria. Ajo kishte vetëm disa ushqime dhe ëmbëlsira për të ngrënë dhe pa ujë. "I vetmi lëng që Lillian nuk pi, që kishte me vete ishte një shishe verë që ajo kishte blerë si dhuratë për nënën e saj", tha rreshteri Martin Torpey. "Ajo përdori arsye të shëndoshë për të qëndruar me makinën e saj dhe për të mos u endur në shkurre, gjë që ndihmoi policinë që ta gjente atë". Ip u dërgua në spital për t'u trajtuar për dehidrim. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.