Një grua nga Iowa, e cila u verifikua si personi më i vjetër i gjallë në Shtetet e Bashkuara të Amerikës, në fillim të këtij viti, festoi ditëlindjen e saj të 115-të.
Bessie Hendricks festoi ditëlindjen e saj me një festë në Shady Oaks Care Center, ku jeton në Lake City.
Në ndejë ishin tre fëmijët e Hendricks, përfshirë vajzën Joan Schaffer, e cila festoi ditëlindjen e saj të 90-të një ditë më parë.
“Është e mrekullueshme që ne e kemi ende atë”, tha Schaffer.
Vetë nëna e Hendricks vdiq kur ajo ishte 13 vjeçare, duke e lënë atë të kujdeset për vëllezërit e motrat e saj.
Hendricks u bë gruaja më e vjetër në Shtetet e Bashkuara në fillim të këtij viti, pas vdekjes së Thelma Sutcliffe në moshën 115 vjeç e 108 ditë. Grupi i Kërkimeve Gerontologjike aktualisht e rendit atë si personin e katërt më të vjetër në botë, transmeton Klankosova.tv.
https://www.youtube.com/watch?v=6W7bFIWRA8Y&feature=emb_title
●●●
VSHKRIMI NGA
V.R.
Editorial nga Klan Kosova — ndjek lifestyle dhe zhvillimet e tjera kryesore të vendit.
