Gruaja porosit iPhone 13, por në vend të tij i erdhi një sapun duarsh

Një grua mbeti e shokuar pasi një postier i shkoi tek shtëpia e saj me sapun duarsh që kushtoi 1.20 cent në vend të iPhone 13 Pro Max prej rreth 1 mijë e 700 euro. Khaoula Lafhaily, 32 vjeçare, bleu pajisjen në Sky Mobile dhe kompania e dërgoi me kujdes atë përmes postës. Telefoni është dashur të dorëzohej ditën tjetër, por ajo tha se shoferi më pas e kontaktoi atë për t’i thënë se ishte i bllokuar në trafik, transmeton Klankosova.tv. Dy ditë më vonë, një burrë hodhi një paketë, por kur ajo e hapi, kishte vetëm një shishe me sapun blu të mbështjellë brenda. Khaoula nga veriu i Londrës telefonoi Sky Mobile dhe pretendon se ata filluan një hetim menjëherë, por më shumë se një javë më vonë ajo është ende pa përgjigje. Ajo tha: “Ne jetojmë në një apartament në katin e parë, kështu që duhet të shikojmë nga dritarja kur marrim dërgesa, përndryshe ato do të dorëzohen në banesën e gabuar. E pamë shoferin që u ngjit në shtëpinë tonë, bëri një foto nga jashtë shtëpisë dhe më pas u largua. Por shoferi na tha se ai erdhi te dera, trokiti dhe askush nuk ishte aty, kështu që ai do të kthehej përsëri të nesërmen, por ne po shikonim në dritare, ishte një gënjeshtër e plotë! “Një shofer tjetër i dërgesës erdhi të enjten, burri im zbriti për të marrë paketën në orën 8:50 të mëngjesit, të cilën e hapëm rreth mesditës sepse unë isha në gjumë dhe ishte një shishe sapuni dore. A mund ta imagjinoni? Unë isha e tronditur dhe me të vërtetë kam nevojë për telefonin. Patjetër që është vjedhur, është e tmerrshme”.