Hajdari: Asnjë pikë gjaku nuk është e tepërt për këtë vend

Mbrojtësi i Kosovës, Albian Hajdari, ka dalë me një deklaratë tjetër pas humbjes nga Turqia. Kosova e humbi ndeshjen finale të plejofit për kualifikim në Kupën e Botës të këtij viti me rezultat 1:0. Hajdari ishte ndër më të mirët në fushë deri në momentin e zëvendësimit, pasi pësoi lëndim. “Asnjë pikë gjaku nuk është e tepërt për këtë vend! Sot Kosova mund të duket e vogël për shumëkënd, por një ditë do të jetë e madhe në zemrat e të gjithëve. Nga ndeshje e djeshme: humbëm, por krenaria nuk humbet kurrë. Kosova gjithmonë në zemër!”, ka shkruar Hajdari. Shkrimin e shkurtër e ka publikuar me një fotografi duke e marrë ndihmën e parë nga stafi mjekësor i Kosovës. /Klankosova.tv