Hajnat rrahin plakun në Gjilan, s’ia gjejnë paratë (VIDEO)

Dhimbjeve të pleqërisë iu shtuan edhe disa të tjera që i mbetën kujtim i hidhur i tmerrit të para dy netësh. Ato, 81 vjeçarit S.S, që jeton i vetëm ia shkaktuan dy persona që e rrahën në shtëpinë e tij, në orën dy pas mesnate, të shtunën. Nga kati i dytë, ata i hynë në shtëpi për të grabitur, njofton Klan Kosova. Me dy hajdutët ishte edhe një vajzë jashtë, që ky thotë se punoi në shtëpinë e tij për dy javë. Brenda dajaku vazhdoi, duke pyetur të moshuarin për paratë e tij, pasi fillimisht ia morën dy telefonë. Goditjet  s’u ndalën, derisa S.S mbeti pa ndjenja. Hajnat, pa para ikën. Kur arriti të ngrihej, shkoi disi deri te fqinjët, të cilët edhe e njoftuan policinë. Plaku thotë se punëtorja të cilën e pushoi, e vodhi edhe sa punonte te ky, kur edhe i vërejti disa sjellje tjera të çuditshme. https://www.youtube.com/watch?v=1cfm78GKPI4