Një zyrë dhe linjë telefonike e dedikuar për ankesat e pacientëve në kuadër të Shoqatës për të Drejtat e Pacientëve ka katër vjet që nuk funksionon.
Megjithatë, letrat njoftuese vazhdojnë të qëndrojnë nëpër hapësirat e klinikave të QKUK-së.
Sidoqoftë, kutitë e ankesave janë valide, por me rol dukshëm më të ulët se sa në të kaluarën, njofton Klan Kosova.
U.D i Drejtorit të Klinikës së Gjinekologjisë, Jakup Ismajli tha se hapet për çdo tre muaj, megjithatë për klinikën të cilën e drejton thekson se janë jashtëzakonisht të rralla ankesat përmes kutive të ankesave.
Derisa shton se në këtë ka ndikuar, ankimimi i drejtpërdrejtë në klinikë, media dhe rrjete sociale.
Pos këtu, ankesat e pacientëve bëhen edhe në drejtorinë e ShSKUK-së, qoftë në formë elektronike dhe atë fizike, të cilat trajtohen nga një komision përkatës.
Mirëpo, kohëve të fundit, qytetarët e pakënaqur me shërbimet mjekësore në institucione publike, i drejtohen direkt edhe Inspektoratit Shëndetësor, 68 sosh vetëm në muajin maj.
Veç këtyre, pacientët kanë në dispozicion edhe një linjë telefonike falas të inspektoratit në kuadër të Ministrisë së Shëndetësisë.
https://www.youtube.com/watch?v=NZQ2aFQ3u18&t=6s
●●●
LSHKRIMI NGA
LiZe
Editorial nga Klan Kosova — ndjek lajme dhe zhvillimet e tjera kryesore të vendit.
