Hapet ekspozita “Ato”

Për Ditën Ndërkombëtare të Gruas, është bërë hapja e ekspozitës, "Ato". Ekspozita kolektive, prezanton punime nga artistët, Lumturie Krasniqi, Arton Behrami, Avni Demiri, Laureta Hajrullahu, Luiza Thaqi, Renea Begolli, Yll Xhaferi, Yllka Fetahaj, Shkamb Jaka, të cilët si frymëzim për veprat e tyre, kanë marrë rolin e gruas në shoqëri. Ekspozitës i ka paraprirë diskutimi mbi temën, "Ato: Perspektivat e tyre - roli i gruas në shoqëri dhe sfidat e përditshmërisë", nën moderimin e Mirishahe Sylës dhe me pjesëmarrje të Katharina Eggert, Leonida Molliqajt dhe Dodona Gashit. Ekspozita do të qëndrojë e hapur në galerinë “Qahili” deri më 16 mars 2023. Në kuadër të kësaj ekspozite, nesër (11 mars) nga ora 10:30, do të mbahet sesion Yoga me instruktoren, Dodona Gashi, si sesion për zhvillim të qetësisë shpirtërore dhe të fuqisë së gruas përmes aktivitetit fizik dhe mendor.