Hapet shkolla e parë në gjuhën shqipe në Irlandë

Komuniteti shqiptar në Irlandë gëzon hapjen e shkollës së parë shqipe në Dublin. Shkolla nisi aktivitetin më 21 shtator, ku morën pjesë prindër, nxënës dhe përfaqësues të komunitetit shqiptar. Nxënësit e parë morën mësime mbi alfabetin shqip, flamurin kombëtar dhe historinë e shkollës së parë shqipe në Korçë, ndërsa librat me të cilat ato do të mësojnë aktualisht janë ato që ka botuar Qendra e Botimeve për Diasporën. Megjithë këtë pritet që të tjera materiale mësimore të mbërrijnë nga Ambasada e Shqipërisë në Londër. Kjo shkollë konsiderohet një hap i rëndësishëm për ruajtjen dhe promovimin e gjuhës, kulturës dhe traditës shqiptare ndër brezat e rinj në diasporë./a2cnn