Haradinaj: Protesta thirrje për ata që ndërhynë për t’i përçarë shqiptarët në Maqedoni të Veriut

Kryetari i Aleancës për Ardhmërinë e Kosovës, Ramush Haradinaj ka përkrahur protestën e studentëve shqiptarë në Maqedoni të Veriut. Ish-kryeministri i Kosovës ka thënë se kjo protestë është një thirrje e fortë ndërgjegjeje për të gjithë ata, që sipas tij, kanë ndërhyrë në politika që nuk u takojnë, për siç ka thënë, përçarë dhe dobësuar faktorin shqiptar, aty dhe kudo. “E drejta themelore për gjuhën shqipe, e garantuar me kushtetutë, nuk duhet të cenohet nga askush. Çdo përpjekje për ta prekur është shkelje flagrante e të drejtave. Sot jemi një me studentët, në qëndresën e tyre dhe në kërkesat e tyre legjitime. Një për gjuhën shqipe. Kujtdo që i ka penguar kjo gjuhë, historia nuk do t’ia falë.”, ka shkruar Haradinaj. /Klankosova.tv