Haradinaj: Qeveria e angazhuar të mbrojë të drejtat e fëmijëve

Kryeministri Ramush Haradinaj, tha se Qeveria që ai drejton është e angazhuar që të mbrojë të drejtat e fëmijëve.  Kreu i ekzekutivit ka pranuar se fëmijët nuk janë në pozitën më të mirë, por ka garantuar se atyre do tu mundësohet jetë e dinjitetshme. Haradinaj në konferencën për shënimin e 1 Qershorit – Ditës Ndërkombëtare për të Drejtat e Fëmijëve, shtoi se fëmijët duhet që të ruhen nga dukuritë e këqija dhe kjo është obligim i të gjithëve. “Jemi të vetëdijshëm për realitetin tonë, nuk është ma mi miri, edhe fëmijët nuk janë në pozitën më të mirë. Disa janë se kur e ki ekonominë pak më të dobët.  Ka probleme shkollat nuk kanë nyje sanitare, ne e dimë që kemi probleme shumë bazike”. “Fëmijëve me ju garantuar rritën se është e drejtë e zotit, është e dreth ndërkomëbtere që fëmija me u rrit i lirë e me zhvillim.  Ekspozimi i fëmijëve në disa dëme ende pa u rritur është i rrezikshëm, duhet t’i ruajmë ata prej ekspozimeve të gabuara prej punës së detyrueshme, skllavëria, narkotikë, duhani, alkooli”, raporton EO, transmeton Klan Kosova.