Harris: Bashkë me Biden do veprojmë që në ditën e parë – do shpëtojmë jetën e amerikanëve nga COVID-19

Zëvendëspresidentja në ardhje, e Shteteve të Bashkuara të Amerikës Kamala Harris, po thotë se që në ditën e parë me të marrë detyrën, bashkë me Joe Biden do të veprojnë për të shpëtuar jetët e amerikanëve nga COVID-19. Ky reagim i Harris, vjen pas shifrave të larta me koronavirus të shfaqura në Shtetet e Bashkuara të Amerikës, ndërsa ka përmendur dhe shumë jetë të humbura si pasojë e kësaj sëmundje epidemiologjike, njofton Klan Kosova. ''Shumë njerëz janë duke pikëlluar humbjen shkatërruese të një të dashur për shkak të COVID - shumë prej të cilëve u detyruan të vdisnin vetëm''. ''Nuk duhet të jetë kështu''. ''Në ditën e parë, Joe Biden dhe unë do të veprojmë për ta marrë këtë virus nën kontroll dhe për të shpëtuar jetën e amerikanëve''.