Harry fillon detyrën e parë mbretërore pas lajmit për largimin nga familja

Duka i Sussex do të kryejë detyrën e tij të parë mbretërore në publik pasi që ai dhe Dukesha e Sussex njoftuan se duan të tërhiqen nga familja. Princi Harry do të hedhë shortin në Kupën Botërore të Rugby League 2021 në Pallatin Buckingham këtë mëngjes. Ai do të takojë përfaqësues të 21 kombeve që marrin pjesë dhe fëmijë vendas që luajnë regbi. Meghan dhe djali i çiftit Archie ndodhen në Kanada por Harry raportohet se do të qëndrojë në Mbretërinë e Bashkuar për takime javën e ardhshme.