Haxhiu: Në jetën dhe veprën e Rexhep Qosjes, fjala shqipe gjeti dinjitet, peshë dhe qëndrueshmëri

Kryetarja e Kuvendit, Albulena Haxhiu, ka marrë pjesë sot në homazhin përkujtimor dhe shkroi në Librin e Zisë, në nderim të jetës dhe veprës së Akademik Rexhep Qosjes. Haxhiu, siç thuhet përmes një postimi të Kuvendit në Facebook, u shpreh se në jetën dhe veprën e Rexhep Qosjes, fjala shqipe gjeti dinjitet, peshë dhe qëndrueshmëri, transmeton Klankosova.tv. “Breza të tërë do ta njohin përmes trashëgimisë së mendimit kritik, kërkesës për nivel dhe besim se kultura e mban gjallë një komb”, theksoi kryetarja e Kuvendit.