Haziri: Rastet e reja janë kontakte familjare me një punëtore në një klinikë private në Prishtinë

Instituti Kombëtar i Shëndetësisë Publike raportoi se tetë nga 14 rastet e reja janë nga komuna e Gjilanit. Kryetari i Gjilanit, Lufti Haziri, ka treguar se rastet e reja janë si pasojë e kontakteve familjare të një punëtoreje të Gjilanit e cila punon në një klinikë private në Prishtinë, njofton Klan Kosova Haziri ka thënë se është e domosdoshme që t'i shtrengojnë masat pas rasteve të fundit. Ky është postimi i plotë i Hazirit: #Dita59. Nga Instituti Kombëtar i Shëndetësisë Publike u njoftuam edhe për 9 raste të reja në Gjilan me #Covid19. Rastet e reja janë si pasojë e kontakteve familjare të një punëtoreje të Gjilanit, e cila punon në një klinikë private, në Prishtinë. Komiteti për menaxhimin e pandemisë dhe emergjencat civile e kanë nën kontoll situaten dhe ju lusim për lojalitet dhe bashkëpunim në mënyrë që ta përballojmë situatën. Fatkqeësisht, kësaj here burim i infeksionit është një punëtore e shëndetësisë e jo burim tjetër nga qytetarët. Është domosdoshmëri që t’i shtrengojmë masat pas rasteve të fundit. Për këtë, pas pak ju njoftojmë përmes konferencës së jashtëzakonshme!