Hegseth u kërkon aleatëve të rrisin shpenzimet për blerjen e armëve amerikane për Kievin

Sekretari amerikan i Mbrojtjes, Pete Hegseth, u bëri thirrje të mërkurën aleatëve të NATO-s që të rrisin shpenzimet për blerjet e armëve amerikane për Ukrainën. Deklarata erdhi pas një raporti që nxori në pah një rënie të ndjeshme të mbështetjes ushtarake për Kievin në korrik dhe gusht. "Paqen e arrin kur je i fortë. Jo kur përdor fjalë të forta ose tund gishtat, e arrin kur ke aftësi të forta dhe reale që kundërshtarët i respektojnë", u tha ai gazetarëve përpara një takimi me homologët e tij të NATO-s në selinë e aleancës në Bruksel.