Heq monedhën nga hunda, pasi i qëndroi aty për më shumë se 50 vjet

Një burrë më në fund e ka hequr monedhën nga hunda e tij, pasi ishte bllokuar aty për më shumë se gjysmë shekulli. 59-vjeçari nga Rusia ishte vetëm gjashtë vjeç kur e futi monedhën në vrimën e djathtë të hundës së tij. “Ai ishte ‘shumë i frikësuar’ për t’i treguar nënës së tij ‘të rreptë’, dhe më vonë e harroi”, shkruajnë mediat lokale atje. Me sa duket arriti të jetonte për pesëdhjetë vjet i papenguar nga bllokimi, derisa së fundmi filloi të ankohej se nuk mund të merrte frymë fare në vrimën e djathë të hundës së tij. Shkoi në spital dhe iu bë një skanim, i cili tregoi objektin e papritur në pjesën e hundës. Thinolitët – gurë në zgavrën e hundës – ishin formuar rreth monedhës, duke ia ngushtuar aftësinë për të marrë frymë. Mjekët kryen një operacion endoskopik nën anestezion të përgjithshëm, duke hequr gurët dhe duke marrë monedhën sovjetike nga hunda e tij pas 53 vjetësh. Paratë – me vlerë zyrtare rreth një qindarkë në atë kohë – pushuan së përdoruri në Rusi pas rënies së BRSS më 1991 dhe emblema e çekanit dhe draprit nuk ishte më e dukshme në monedhë. Pas operacionit, mjekët bënë të ditur se ai e ka rifituar frymëmarrjen e plotë në hundë. Megjithatë, ky nuk është rasti i parë i personit që u ‘njoh’ përsëri me një objekt të huaj që iu humb në hundë. Në vitin 2015, Steve Easton, në atë kohë 51-vjeçar, gjatë një teshtime të gjatë i kishte dalë maja e një shigjete të lodrës nga hunda e tij. Ai e kishte vendosur aty në moshën shtatëvjeçare dhe prindërit e kishin dërguar në spital në atë kohë, mirëpo mjekët nuk ishin në gjendje t’ia hiqnin. Easton kishte vuajtur shpesh nga dhimbja e koke dhe kishte pasur probleme me nuhatje. Ai tha se nuk ishte plotësisht i vetëdijshëm se shigjeta i ishte ngulitur në hundë për 44 vjet.