Hetimet në Gjakovë, hapet kutia e dyshimtë e “trenit bullgar” (VIDEO)

Zyrtarët policor zbarkuan të shtunën në mëngjes në vend numërimin komunal në Gjakovë për të hulumtuar keqpërdorimin më vota me metodën e “Trenit Bullgar”, që dyshohet se u bë të dielën e 9 shkurtit, në shkollën “Zekirja Rexha” . Dhe atë siç merr vesh televizioni duke e futur në kutinë e votës një fletushkë, e duke e marrë me vete letrën e vërtetë të votimit. Proces ky që siç mësoi Klan Kosova është i evidentuar edhe nga kamerat e sigurisë që filmuan gjithçka që ndodhi në klasë e të cilat u morën si provë nga prokuroria. Për atë se çfarë u gjet me shkuarjen e policisë në atë Qendër të Votimit, fjalë pak ishin edhe nga Prokuroria Themelore e Gjakovës. "Siç ju kemi njoftuar Prokuroria Themelore Gjakovë, lidhur me një (1) rast të ditës së zgjedhjeve, ju njoftojmë se ka autorizuar Policinë e Kosovës, për ndërmarrjen e të gjitha veprimeve lidhur me këtë rast", thanë nga prokuroria. Derisa nga Komisioni Qendror i Zgjedhjeve deklaruan se për shkak të hetimeve që po i bënë organi i akuzës, nuk mund të deklarojnë gjë për ngjarjen. Ka qenë kryetari i degës së PDK-së në Gjakovë, Hajdar Beqa, ai që një ditë pas zgjedhjeve ka bërë një denoncim publik, duke akuzuar partinë aktuale në pushtet për vjedhje të votave në këtë komunë. /Klankosova.tv https://www.youtube.com/watch?v=wfdg7Dom7rw