Hiqen telat me gjemba, KFOR me kordon mbron Lulzim Hetemin në Leposaviq (VIDEO)

Në qendrën e Leposaviqit telat gjemborë tashmë janë larguar dhe tubuar në disa vende. Mirëpo, kordoni i sigurisë vazhdon të jetë para objektit komunal, në të cilën perimetër qëndron dhe vëzhgon KFOR-i. Njësia speciale nuk u pa as në hyrje të komunës, mirëpo autoblindat e saj qëndrojnë prapa objektit të komunës, të paktën deri pas orës 13:00. Qytetarët e komunës më veriore në vend tashmë kanë hyrë në javën e dytë të cilët po protestojnë dhe po e kundërshtojnë praninë e njësisë speciale dhe  kryetarin e ri, Lulzim Hetemi, për të cilën ende nuk dihet se a ka dalë nga komuna apo po e vazhdon karanatimin. Të njëjtin televizioni e ka kontaktuar disa herë gjatë ditës, por pa marrë asnjë përgjigje. Megjithëkëtë, protesta dhe situata është e qetë dhe rekreacioni ka zënë vend që disa ditë tek protestuesit, ku vajza e gara serbe luajnë volejboll edhe gjatë kësaj të premte, shumë të tjerë ditën dhe formën e protestës e kalojnë në kafiteri. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS. https://www.youtube.com/watch?v=g3KoRhFa9xI