Hirin e eshtrave të babait, artistja britanike e përdori në pikturë

Pasi babai i saj vdiq në vitin 2016, artistja Lanson Moore shkoi për të mbledhur hirin e tij dhe u trondit nga ajo që gjeti. "Mua kurrë nuk më ka vdekur dikush i afërm i familjes”, tha Moorem e cila jeton në Yorkshire të Mbretërisë së Bashkuar, shkruan Euronews, transmeton Klan Kosova. “Unë prisja që pluhuri të ishte vendosur në një vazo dhe nuk ishte. Ai ishte në një tubë të gjelbër plastike. Ishte shumë ofenduese. Më tronditi vërtet - si mund të vihej dikush në këtë?” E shqetësuar nga përvoja, Moore vendosi të krijonte një vepër arti për t'ia kushtuar babait të saj. Mirëpo këtë vepër arti, artistja vendosi që ta bëjë shumë personale. Ajo e aplikoi hirin e babait të saj në pikturë. Artistja është e vetëdijshme për reagimin që mund të ketë puna e saj në disa qarqe. "Unë e kuptoj se për disa njerëz është shumë," thotë ajo. Edhe pse Moore ishte e kënaqur me idenë e saj, procesi është më i lehtë për t'u thënë sesa për t'u bërë me praktikat e lidhjes së hirit në pikturë, e cila tani varet në shtëpinë e një të afërmi). “Ndjeva se babai im ishte aty me mua në atë udhëtim. Ishte një mënyrë për mua që të isha sërish pranë tij”, tha ajo.

klankosova.tv