Hondurasi lëshon urdhër-arrest ndërkombëtar për ish-presidentin Hernandez pas amnistisë amerikane

Prokurori i Përgjithshëm i Hondurasit, Johel Antonio Zelaya, ka urdhëruar arrestin ndërkombëtar të ish-presidentit Juan Orlando Hernandez, vetëm disa ditë pas lirimit të tij nga burgu në Shtetet e Bashkuara. Hernandez u lirua nga një dënim 45- vjeçar në SHBA pasi Presidenti Donald Trump i dha amnisti të plotë. Zëdhënësja e tij tha se ish-presidenti nuk do të kthehet menjëherë në Honduras për arsye sigurie dhe aktualisht ndodhet në një vend të sigurt në SHBA. Ish-presidenti Hernandez ishte ekstraduar në SHBA në vitin 2022, ku prokurorët e New York-ut e akuzuan për krime që lidhen me drogën dhe armët, duke e përshkruar Hondurasin gjatë presidencës së tij si një “narco-shtet”. Ai u shpall fajtor dhe u dënua me 45 vjet burg, si pjesë e një prej konspiracioneve më të mëdha të trafikut të drogës në botë. Në të njëjtën kohë, Hernandez ka qenë objekt hetimesh edhe në Honduras për dyshimet e përvetësimit të fondeve publike. Në vitin 2023, ai dhe disa zyrtarë të tjerë u akuzuan për përfshirje në keqpërdorimin e mbi 12 milionë dollarëve të fondeve shtetërore për fushatën politike. /Klankosova.tv