Hoti, Krasniqi e Selmanaj i shkojnë për vizitë Beqiritit

Deputetët e Lidhjes Demokratike të Kosovës, Avduallah Hoti, Rrezarta Krasniqi e Driton Selmanaj i shkuan për vizitë shkrimtarit, Avdi Beqirit. Selmanaj përmes një postimi në Facebook, tha se Beqiri për tri dekada ishte adresa e punëve të mira që i shërbenin çështjes kombëtare për shumicën e shqiptarëve që jetojnë në Itali, njofton Klankosova.tv. "Kënaqësi që bashkë me kolegët Avdullah Hoti dhe Rrezarta Krasniqi ta vizitojmë në shtëpinë e tij atdhetarin, shkrimtarin, aktivistin e madh të çështjes kombëtare z.Avdi Beqiri. Z.Avdi, për tri dekada ishte adresa e punëve të mira që i shërbenin çështjes kombëtare për shumicën e shqiptarëve që jetojnë në Itali. Faleminderit për mikpritjen z.Avdi dhe z.Mensur", ka shkruar deputeti.