Hoti për pandeminë: Gjendja është nën kontroll

Ministria e Shëndetësisë ka përmbyllur procesin e specializimeve, duke nxjerrë mbi 1500 specializantë të rinj. Kryeministri i vendit, Avdullah Hoti, gjatë vizitës në Ministrinë e Shëndetësisë, ka thënë që ky është një "hap i madh". "Kemi përfunduar punën për përzgjedhjen e specializimeve, e që është hapi më i madh që është bërë në shëndetësi për 4-5 vite, për të krijuar kapacitetet e nevojshme në institucionet tona shëndetësore, për të plotësuar standardet që të ofrohen shërbimet e nevojshme për qytetarët". "Po krijojmë baza të mira për planifikim dhe zhvillim afatgjatë të sektorit të shëndetësisë; që është një punë shumë e madhe krahas një barre të madhe që e kanë të gjitha institucionet shëndetësore në menaxhimin e pandemisë". Sa i përket situatës me pandeminë, Hoti ka thënë që "gjendja është nën kontroll".