Gjyshi merr aksidentalisht një fëmijë tjetër nga çerdhja në vend të mbesës

Një çerdhe italiane është nën hetim pasi një gjysh aksidentalisht mori një tjetër vajzë nga çerdhja që nuk ishte mbesa e tij. Sipas raporteve, i moshuari aksidentalisht i ra ziles në një çerdhe komunale në Arezzo të premten, në vend të kopshtit ngjit me të, shkruan Euronews, transmeton Klankosova.tv. Ai mori vajzën e gabuar nga çerdhja dhe e dërgoi atë në shtëpi. Gabimi u gjet vetëm pas tridhjetë minutash kur anëtarët e tjerë të familjes kuptuan se ai kishte marrë mbesën "e gabuar". Ai më pas e solli vajzën përsëri në të njëjtën çerdhe ndërkohë prindërit e vajzës kishin thirrur policinë pasi vajza e tyre u raportua e zhdukur. Mbesa e burrit ishte në të vërtetë një deri në dy vjet më e madhe dhe ende priste që dikush ta merr nga kopshti. Hetimet disiplinore kanë filluar nga Komuna e Arezzo kundër një mësuesi dhe një kujdestari në çerdhe. "Pati një gabim nga ana e çerdhes dhe pasojat e pritura disiplinore do të sillen kundër personit që e bëri atë," tha nënkryetarja e bashkisë, Lucia Tanti. Të afërmit dhe kujdestarët e fëmijëve duhet të sigurojnë një përfaqësues dhe të identifikohen para se të marrin fëmijët nga çerdhet në Itali.