Haxhi Krasniqi më 17 nëntor në luftë për mbrojtje të titullit të kampionit evropian

Boksier me prejardhje nga Kosova Haxhi Krasniqi,së shpejti do të ketë një përballje në ring me Rony Landaeta. Krasniqi i cili bart brezin e kampionit evropian në kategorinë super të mesme, ka deklaruar se kundërshtari aktual është shumë më i rrezikshëm se ai me të cilin do të përballej. Ndryshimi i kundërshtarit u bë për shkak se Hartel ka probleme shëndetësore. “ Planet na ndryshohen shpesh neve në jetë. Të them të drejtën se kjo nuk më bën të ndihem edhe aq komod, por jam i lumtur që megjithatë gjetëm një kundërshtar më në fund”, deklaroi Haxhi Krasniqi. Robin nofka me të cilin njihet junikasi, foli edhe për kualitetin e kundërshtarit me të cilën do të përballet më 17 nëntor,e vlefshme për mbrojtjen e titullit të kampionit, shkruan mdr.de, përcjellë Klan Kosova. “ Roony Landaeta është më i rrezikshëm se Hartel. Duke marrë parasysh se ai ka përvojë edhe në sporte tjera luftarake, duhet të përgatitem edhe më shumë”. Deklarimet e Hartel ai i komentoi si “tentim për t’i ikur përballjes me atë”. “Në qoftë se me të vërtetë është sëmurë, i dëshiroj shërim të shpejtë” Do të ishte fitore mahnitëse, u shpreh në fund Haxhi Krasniqi.