Humb jetën nipi 19-vjeçar i De Niros

Nipi i Robert De Niros, Leandro De Niro Rodriguez, ka vdekur në moshën 19-vjeçare. Lajmin e ka bërë të ditur nëna e të riut, Drena De Niro, e cila nuk ka hyrë në detaje se si kishte ardhur deri te vdekja e tij. “Engjëlli im i bukur e i ëmbël. Të kam dashur përtej fjalëve apo përshkrimit që nga momenti që të kam ndier në barkun tim”, ka shkruar ajo. “Ti ke qenë gëzimi im, zemra ime dhe çdo gjë që ka qenë ndonjëherë e pastër dhe reale në jetën time. Do të doja të isha me ty tani", ka deklaruar e ëma, Drena De Niro.