I akuzuari për vrasjen e Ivanoviqit i fton dëshmitarë pesë policë (VIDEO)

Të mërkurën në Gjykatën Themelore në Prishtinë u mbajt seanca e radhës për vrasjen e politikanit serb, Oliver Ivanoviq. Por, shqyrtimit i të gjitha dosjeve, përmes së cilave synohet të gjendet vrasësi i politikanit serb, Oliver Ivanoviq, zor t’i vijë fundi edhe pas pesë vjetësh, kur ky dyshohet se u vra në hyrje të zyrës së tij në Mitrovicën veriore. Bile, numri i tyre veç pritet të shtohet nëse vijnë për të dëshmuar pesë zyrtarët policorë të veriut, nga komandanti e deri te shefat e ndërrimeve, të cilët i propozoi kolegu i tyre Nedejlko Spasojeviq. “Nebojsha Qamiloviq, Goran Zhivkoviq, Predrag Jevqiq, Nexhmedin Isufi dhe Jovan Arsiq”, tha Nedejlko Spasojeviq, i akuzuar. Për Prokurorinë Speciale, këta dëshmitarë nuk janë të rëndësishëm. Megjithatë, trupi gjykues pranoi që ata të vijnë në gjykatë, por me kushtin që nëse adresat e tyre nuk gjenden, kjo të mos e vonojë vazhdimin e gjykimit. Që të procedohet më shpejt me këtë fazë, ky edhe propozoi që për një seancë të dëgjohen tre a katër dëshmitarë, e kohën e tyre e caktoi edhe për dy muajt e ardhshëm. Në njërën nga këto data mund të merret edhe dëshmia e Milena Popoviq, e cila të mërkurën nuk erdhi për të dëshmuar, siç u tha, për arsye personale. Për përfshirjen në rastin e vrasjes së liderit të iniciativës qytetare “Liria, Demokracia, Drejtësia”, janë të akuzuar 7 persona, 3 nga ta ende në arrati. https://www.youtube.com/watch?v=fXpWC0WHQn0