I dehur ushtroi dhunë në familje, prishtinasi trajtohet në psikiatri dhe lirohet në shtëpi

Një burrë është arrestuar në Prishtinë, nën dyshimin se në gjendje të dehur ka sulmuar një burrë, derisa policia rastin e ka iniciuar si “dhunë në familje”. Sipas njoftimit, i dyshuari ka marrë tretman mjekësor në Klinikën Psikiatrike dhe është liruar në shtëpi, transmeton Klankosova.tv. “Është arrestuar i dyshuari mashkull kosovar, pasi që dyshohet se në gjendje të dehur ka kryer veprën e lartcekur ndaj viktimës mashkull kosovar. I dyshuari pas marrjes së tretmanit mjekësor në klinikën psikiatrike është liruar në shtëpi. Me vendim të prokurorit, rasti procedohet në procedurë të rregullt”, thuhet në raportin e policisë.