I dyshuari për vrasjen në Llapashticë, ende në arrati

A.Havolli, i dyshuari për vrasjen e Bashkim Spahiut më Llapashticë të Podujevës, ende nuk është kapur nga Policia e Kosovës. Kështu është bërë e ditur nga një njoftim i Policisë, transmeton Klankosova.tv. Ndryshe, Spahiu do të varroset sot në varrezat e fshatit Gllamnik. Ndërsa për Klankosova.tv, zëdhënësja e Policisë së Kosovës për rajonin e Prishtinës, Flora Ahmeti, ka pohuar se informatën për të shtëna me armë zjarri e morën rreth orës 19:30 të shtunën. “Menjëherë në vendin e ngjarjes kanë dalë njësitet e nevojshme policore, ku kanë hasë në një person pa shenja jete. Vdekjen e viktimës mashkull e ka konstatuar ekipi mjekësor në vendngjarje”, ka thënë Ahmeti. E njëjta ka shtuar se hetuesit policorë, në koordinim me prokurorin e shtetit, kanë nisur hetim për ndriçimin, sqarimin e të gjitha rrethanave që kanë të bëjnë me këtë rast. https://klankosova.tv/sot-varroset-burri-qe-humbi-jeten-nga-te-shtenat-me-arme-ne-llapashtice/