"I keni duart me gjak", pankartë kundër Serbisë në paraqitjen e Eurovizion (VIDEO)

Pas performancës së përfaqësuesit të Serbisë, një person në publik shpalosi një pankartë me mbishkrimin "Duart tuaja janë të përgjakura”. Në pankartë ishte vizatuar edhe një gjurmë dore e kuqe, simbol i protestave studentore që po zhvillohen në Serbi tash e gjashtë muaj. Lidhur me këtë në "Weekend" në Klan Kosova ka folur gazetari Redjon Shtylla, i cili tha se ky rast e vulosi dështimin e Serbisë në Eurovizion. "E vulosi edhe më shumë dështimin e përfaqësimit serb, mund të lidhet edhe me studentët por edhe me mospranimin e serbëve për krimet e kryera në Kosovë", tha Shtylla. Ky mesazh i pankartës u pa si përkrahje të protestave brenda Serbisë, por u diskutua nëse është rikujtim për krimet e kryera nga regjimi serb gjatë luftës në Kosovë. Ndiqeni videon në vijim për më shumë: https://www.youtube.com/watch?v=Pw9wnBaoZMs