I mituri me një varg veprash penale, dyshohet për dhunimin e një 14-vjeçareje (VIDEO)

Një 14-vjeçare dyshohet se u dhunua seksualisht në një shtëpi të pabanuar në Fushë-Kosovë. I dyshuari kryesor për këtë rast, që dyshohet se ndodhi më 2 prill të këtij viti, është 15-vjeçari me inicialet P.K., i cili momentalisht ndodhet në paraburgim. Kjo nuk është hera e parë që ky i mitur përfundon prapa grilave. Nga Shërbimi Korrektues i kanë thënë Kiks Kosovës se vetëm brenda një viti, P.K. është pranuar pesë herë në Qendrën Korrektuese për të Mitur në Lipjan, për një varg veprash penale. Për dy raste të vjedhjes së rëndë, përveç kërkesës për caktimin e masës së paraburgimit, Prokuroria kërkoi që 15-vjeçarit t’i bëhet edhe ekzaminimi psikiatrik. Mirëpo, nga Gjykata Themelore në Prishtinë, e cila vendosi për pesë rastet paraprake të 15-vjeçarit, nuk janë përgjigjur për arsyet e lirimit të tij, me arsyetimin se bëhet fjalë për një të mitur. /Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS https://youtu.be/zOBPZQpKpQw