I paraburgosuri kërcen nga kati i dytë i Pallatit të Drejtësisë, përfundon në QKUK

Një i dyshuar ka tentuar të ikë nga Pallati i Drejtësisë, duke kërcyer nga kati i dytë i Gjykatës. Klankosova.tv mëson se personi që tentoi të arratisej është Mlladen Millosheviq, i cili për pasojë është lënduar dhe është dërguar për trajtim mjekësor në QKUK. Ai po trajtohet në Klinikën e Ortopedisë dhe gjendja e përgjithshme është stabile. Millosheviq, disa ditë më parë, bashkë me një të dyshuar tjetër, siç është raportuar në media, ka hyrë në oborrin e një familjeje në fshatin Sharban të komunës së Prishtinës, ku dyshohet se kanë marrë dy qen të gjuetisë, duke i shkaktuar kësaj familjeje dëme. /Klankosova.tv Shënim: Personi i përmendur në këtë artikull, prezumohet i pafajshëm deri në një vendim të formës së prerë nga gjykata.