Një ngjarje e rëndë është regjistruar në Shkallnur të Durrësit, ku një 52-vjeçar ka humbur jetën një ditë pas konflikti fizik me një të mitur 16-vjeçar dhe vëllanë e tij 18-vjeçar.
Sipas njoftimit të Policisë së Durrësit, ngjarja ka ndodhur më datë 9 nëntor, kur viktima dyshohet se kishte sharë dhe fyer një fëmijë të vogël. Pas kësaj, fëmija i është ankuar vëllait të tij, 18 vjeç, i cili është përfshirë në sherr me 52-vjeçarin.
Gjatë përplasjes, i riu e ka goditur me grusht viktimën, e cila është rrëzuar dhe ka goditur kokën në tokë.
Sipas JOQ, 52-vjeçari është transportuar menjëherë në spital në gjendje të rëndë, por nuk ka mundur t’u mbijetojë plagëve, duke ndërruar jetë të hënën me datë 10 nëntor në spitalin e Traumës.
Policia ka bërë të ditur se adoleshenti 18-vjeçar është arrestuar, ndërsa vazhdojnë hetimet për zbardhjen e plotë të rrethanave të ngjarjes, transmeton Klankosova.tv.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
