I riu nga Rahoveci vdiq duke luajtur volejboll në plazhin e Dhërmisë

Një ngjarje tragjike ka ndodhur sot në bregdetin shqiptar. Në Dhërmi, ka vdekur një 20 vjeçar nga Kosova. Lidhur me rastin detajet e reja janë bërë të ditura nga A2 CNN, transmeton Klankosova.tv. Referuar raportit të policisë, i riu nga Kosova vdiq derisa po luante volejboll me shokët e tij. “Specialistët e Stacionit të Policisë Dhërmi referuan materiale për vlerësim, pasi më datë 14.07.2025, pranë një plazhi në Dhërmi, në fushën e volejbollit, dyshohet se ka humbur jetën për shkaqe natyrale shtetasi A. H., 20 vjeç, banues në Kosovë, i cili ndodhej me pushime së bashku me shoqërinë e tij”, njofton policia transmeton Klankosova.tv. Autopsia mjekoligjore për rastin do të kryhet pranë Institutit të Mjekësisë Ligjore në Tiranë, për përcaktimin e saktë të shkakut të vdekjes së 20-vjeçarit. https://klankosova.tv/e-dhimbshme-vdes-ne-shqiperi-20-vjecari-nga-rahoveci-shkoi-me-shoke-per-pushime/