Igor Tudori i ka nxjerrë lojtarët e Tottenham Hotspurit për darkë përpara derbit të madh të së dielës në Londrën e Veriut kundër Arsenalit.
Trajneri i ri i Spurs u emërua javën e kaluar dhe ka pasur pak kohë për t’u përgatitur për këtë përballje të zjarrtë si ndeshjen e tij të parë.
Në përpjekje për të rritur moralin përpara vizitës së rivalëve të përbetuar, Tudor dhe skuadra shkuan në restorantin greko-qipriot “Ousia” në Muswell Hill, raporton “The Sun”.
Fotot e daljes për forcimin e frymës së grupit janë shpërndarë online, ku pranë kamerës shihen Xavi Simmons, Djed Spence, Wilson Odobert, Yves Bissouma, Pape Matar Sarr, Destiny Udogie dhe Kevin Danso.
Grupi duket se ka veshur rroba të zakonshme, me disa kapele në tavolinë. Në tryezë shihen shishe Coca-Cola dhe ujë.
Po ashtu dallohen edhe Mathys Tel, Guglielmo Vicario, Joao Palhinha, Pedro Porro dhe Micky van de Ven. Tudor identifikohet duke qëndruar në pjesën e pasme së bashku me disa anëtarë të stafit të tij teknik.
Lojtarët shfaqen me buzëqeshje, ndërsa kërkojnë një fitore shumë të nevojshme kundër Arsenalit, që është nën presion në krye të tabelës.
“Si pjesë e përpjekjes për të motivuar grupin, dalja për darkë mund të ketë përfshirë pjata si musaka me mish viçi ose qengj i pjekur ngadalë sipas porosisë. Në menu është edhe souvlaki pule, një nga pjatat më të shtrenjta me mish”, shtohet në raportimin e “The Sun”.
Çmimet, për standardet e futbollistëve, janë të ulëta, me pjatën kryesore më të shtrenjtë që kushton vetëm 15 paund për qengjin. Po ashtu ofrohen karkaleca mbretërorë (15 paund) dhe oktapod (14 paund), si dhe salca tradicionale greko-qipriote.
Në menu ka edhe sallata dhe pjata vegjetariane, përfshirë angjinare, kërpudha të marinuara dhe një shumëllojshmëri djathërash.
Restoranti ndodhet pak më pak se pesë milje larg stadiumit të Spurs, i cili do të jetë i mbushur për ndeshjen e së dielës.
Arsenali mund të jetë vetëm dy pikë përpara Manchester City në momentin e fillimit të ndeshjes, ndërsa Tottenhami e di se mund ta nisë takimin në vendin e 17-të nëse Nottingham Forest mposht Liverpool.
West Ham United (aktualisht në vendin e 18-të) ka mundësinë të afrohet në dy pikë kur të udhëtojë te Bournemouth.
Kjo i lë Tudorit 12 ndeshje për ta nxjerrë ekipin nga lufta për mbijetesë si trajner i përkohshëm, ndërsa tifozët online duket se e kanë pëlqyer veprimin e tij të parë të madh publik./GazetaExpress/
mmm
