IKSHPK-ja përfiton pajisje në vlerë të 780 mijë eurove

Ministria e Shëndetësisë ka nënshkruar kontratë 780 mijë euroshe me disa operatorë ekonomikë për furnizim me pajisje të ndryshme ku përfitues i drejtpërdrejtë është Instituti Kombëtar i Shëndetësisë Publike i Kosovës. MSH njofton se kontrata është firmosur përmes projektit “Kosovo Emergency Covid-19 Project-AF”, financuar nga kredia e Bankës Botërore, transmeton Klankosova.tv. Në kuadër të këtij financimi, IKSHPK do të furnizohet me: pajisje laboratorike, frigoriferë të llojeve të ndryshme, kabinete të sigurisë për mikrobiologjinë, mikroskopë, sistem për identifikimin automatik të mikroorganizmave dhe testeve të ndjeshmërisë, kite dhe materiale harxhuese.