IKSHPK me thirrje për qytetarët: Bartni maskat në ambiene të mbyllura

Instituti Kombëtar i Shëndetësisë Publike iu ka bërë thirrje qytetarëve që të bartin maskat në ambiene të mbyllura si dhe të vaksinohen. “Ju lutemi bartni maskat në ambiente të mbyllura dhe  vaksinohuni! Ju lutemi për kujdes të shtuar ndaj COVID-19!Në vende të ndryshme të botës, po regjistrohen raste të shumta të COVID-19, sepse pandemia akoma nuk ka mbaruar” Sipas këtij instituti, koronavirusi ka shënuar trend të rritjes së rasteve në Kosovë por fatmirësisht nuk janë regjistruar raste fatale. "IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështirësi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen”. “Me qëllim të përforcimit të imunitetit dhe parandalimit të rasteve të reja dhe formave të rënda të sëmundjes, qytetarët këshillohen që të vaksinohen”. “MSh dhe IKSHPK  rekomandojnë qytetarët që rritja e rasteve me COVID-19 kërkon edhe masa parandaluese andaj duhet të të jenë të kujdesshëm në zbatimin e masave preventive kundër sëmundjeve ngjitëse duke zbatuar vendimet e Qeverisë, duke bartur maska në të gjitha ambientet e mbyllura, distancë, higjienë, dezinfektues për duar në të gjitha institucionet publike e private dhe të  vaksinohen kundër COVID-19”, thuhet në një njoftim të IKSHPK-së, transmeton Klankosova.tv.