Ilaz Bylykbashi tregon se si babai ia ruante fotografitë e ngjarjeve historike (VIDEO)

Fotografi Ilaz Bylykbashi është i njohur për fotografimin e shumë ngjarjeve historike. Në emisionin Ora Shtatë në Klan Kosova, ai ka treguar se si babai i tij ia ka ruajtur disa fotografi që kanë qenë me rëndësi për t’i dokumentuar padrejtësitë e Serbisë ndaj shqiptarëve. Ai tregon se të punuarit si fotoreporter në atë kohë ka qenë një profesion shumë i vështirë. “Për të shkuar në terren ka qenë shumë e vështirë. Në tre-katër raste kam ecur brenda ditës deri në 40 kilometra”. “Babai e bëri një propozim. Ishte rasti i të burgosurve politikë që filluan të dënoheshin me shumë vjet burg”. Bylykbashi kujton kohën kur dënimi më i vogël ka qenë 10 vjet. “Unë i kisha disa fotografi të të burgosurve. Ai më pyeti se ku do t’i lësh ato? Ai më tha ruaj këto fotografi se do të vijë një kohë që do të të duhen”. “Pastaj çdo gjë që kam bërë deri në vitin 1992 [një vit a dy para se të vdes babai] ia kam dorëzuar atij. Pastaj ai ma tregoi vendin se ku i ka ruajtur të gjithë filmat”. https://www.youtube.com/watch?v=YlxKInvSMp4

klankosova.tv