India dhe Bashkimi Evropian kanë finalizuar një marrëveshje historike tregtare, e cila do të përfshijë rreth 25 për qind të ekonomisë globale, ka deklaruar kryeministri indian Narendra Modi.
Marrëveshja vjen pas gati dy dekadash negociatash të ndërprera dhe synon hapjen graduale të tregut indian për tregti të lirë me 27 vendet anëtare të BE-së, partneri më i madh tregtar i Indisë.
Detajet e marrëveshjes pritet të bëhen publike gjatë samitit Indi–BE në Nju Delhi, ku Modi dhe presidentja e Komisionit Evropian, Ursula von der Leyen, do të bëjnë një njoftim të përbashkët.
Tregtia mes Indisë dhe BE-së arriti në 136.5 miliardë dollarë në vitin fiskal që përfundoi në mars 2025. Marrëveshja vjen në një kohë kur ekonomitë e mëdha po kërkojnë alternativa ndaj pasigurisë në marrëdhëniet tregtare me SHBA-në, në sfondin e tarifave dhe tensioneve të reja globale.
Zbatimi formal i marrëveshjes pritet të ndodhë brenda një viti, pas përfundimit të shqyrtimit ligjor.
●●●
SZSHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
