India lufton shpërthimin vdekjeprurës të virusit Nipah

Një shpërthim i virusit vdekjeprurës Nipah në shtetin e Bengalit Perëndimor të Indisë ka ngjallur shqetësim në disa pjesë të Azisë, me disa masa shtrënguese të kontrollit në aeroporte. Tailanda ka filluar kontrollin e pasagjerëve në tre aeroporte që pranojnë fluturime nga Bengali Perëndimor, raporton BBC, transmeton Klankosova.tv Nepali gjithashtu ka ndërmarrë masa në aeroportin e Katmandusë dhe në pika të tjera kufitare tokësore me Indinë. Pesë punonjës të kujdesit shëndetësor në Bengalin Perëndimor u infektuan nga virusi në fillim të këtij muaji, njëri prej të cilëve është në gjendje kritike. Rreth 110 persona që kanë qenë në kontakt me ta janë vendosur në karantinë. Virusi mund të përhapet nga kafshët te njerëzit dhe ka një shkallë të lartë vdekshmërie, që varion nga 40% në 75% - pasi nuk ka vaksinë ose ilaç për ta trajtuar atë.