India mbyll kolegjin mjekësor në Kashmir pas protestave kundër studentëve myslimanë

Autoritetet indiane kanë mbyllur Institutin Mjekësor Shri Mata Vaishno Devi në Kashmirin e administruar nga India, pas protestave të grupeve hindu të krahut të djathtë që kundërshtuan pranimin e shumicës së studentëve myslimanë. Nga 50 studentët e regjistruar në vitin e parë të mjekësisë, 42 ishin myslimanë, shkruan Aljazeera, transmeton Klankosova.tv. Komisioni Kombëtar Mjekësor njoftoi se i hoqi kolegjit licencën për shkak të mungesës së standardeve minimale akademike dhe infrastrukturore. Vendimi erdhi pas javësh presioni politik dhe protestash publike, ku u kërkua anulimi i listës së pranimeve dhe më pas mbyllja e institucionit. Studentët dhe prindërit mohojnë akuzat për mangësi dhe thonë se kolegji ishte i pajisur mirë. Pranimet në kolegjet mjekësore në Indi bëhen përmes provimit kombëtar NEET, i bazuar në meritë dhe pa kritere fetare. Qeveria rajonale ka premtuar se studentët e prekur do të transferohen në kolegje të tjera dhe nuk do të humbasin vitin akademik. Rasti ka ngjallur shqetësime për politizimin dhe fetarizimin e arsimit në rajon.