India me mbi 6 milionë raste të koronavirusit

India kaloi të hënën 6 milionë raste të koronavirusit, duke u bërë vendi i dytë në botë me këtë shifër të të prekurve nga ky virus. Vendi regjistroi 82,170 raste të reja në 24 orët e fundit, sipas shifrave të lëshuara nga Ministria e Shëndetësisë dhe Mirëqenies së Familjes. I vetmi vend tjetër që raporton më shumë raste janë Shtetet e Bashkuara, të cilat tani kanë më shumë se 7.1 milionë infeksione, sipas Universitetit Johns Hopkins. Numri i rasteve në Indi është rritur me shpejtësi gjatë muajve të fundit, raporton CNN, transmeton Klan Kosova. Nga rasti i parë me COVID-19 i regjistruar në Indi më 30 janar, u deshën gjashtë muaj që vendi të arrinte 1 milion infeksione. Numri i vdekjeve të vendit qëndron në 95,542, me 1,039 vdekje të reja të regjistruara në 24 orët e fundit, transmeton Klan Kosova.