Infemierët mbajnë grevë njëorëshe, kërkojnë realizmin e kërkesave të tyre

Shoqata sindikale e infermierëve, mamive dhe profesionistëve të tjerë shëndetësor këtë të martë po e mbajnë një grevë njëorëshe. Nëpërmjet kësaj po shprehet pakënaqësia lidhur me trajtimin që i bëhet kësaj kategorie, njofton Klankosova.tv. Pjesëmarrësit po kërkojnë rritjen e koeficientit të pagave, pagesën e ndërrimit të natës dhe kërkesa të tjera. Ata janë duke kërkuar që në kuadër të ligjit të pagave i cili pritet të miratohet në Kuvendin e Kosovës të ketë një rritje të koeficientit i cili u mundëson një pagë më të mirë për këtë kategori ngase drafti i ligjit të pagave i cili ka qarkulluar nëpër media nuk e mundëson këtë gjë. Nga pjesëmarrësit u tha se kategoria e infermierëve dhe mamieve është kategoria më e diskriminuar e punonjësve shëndetësor sa i përket pagave dhe kushteve tjera të punës. Përveç tyre ndaj këtij drafti kanë shprehur pakënaqësi edhe sektorë të tjerë.